申善雅的身形比較瘦削，但胸前的玉球卻一點都不輸蝕，所以好多韓男都話佢廟細燈籠大，好鬼吸引。她自言能夠保持咁瘦削身形，全靠日日跳踢躂舞之故。她其實除了當車模之外，更是業餘踢躂舞導師，吸引好多Fans捧場，所以她都有打算過多兩年，正式轉行當全職導師。
申善雅今年26歲，是《DcarModel》嘅合約車模，她入行三年，人氣雖然不是最頂級，但勝在平穩，無太大的飆升，又沒有急速下滑，事業發展算是比上不足，比下有餘，所以她都好滿足現狀。再加上自己最終的目標是當踢躂舞導師，所以對演藝界始終無太大野心，眼見很多同輩都已經進入演藝界發展，她仍然堅守自己的夢想。
「我早已打算好做多兩年車模，便離開呢個圈，因為我最大的興趣始終係跳踢躂舞，再加上我依家當上業餘導師之後，發覺收入都不俗，可能我份人無乜大志，淨係想做自己有興趣嘅事業，所以搵錢反而係其次。」
她出身在南韓的度假勝地濟州島，所以她一向都很喜歡大自然生活，但自從出了首爾工作之後，就再沒有機會接觸大自然。她很希望離開車模圈之後，可以在濟州島開一間踢躂舞教室，一邊享受寧靜的郊區生活，一邊可以做自己喜歡的事情，就是她的人生夢想了。
「其實我份人比較樸實，唔係好鍾意大城市嘅生活，雖然我已經喺首爾生活咗五、六年，但始終都好掛住家鄉，而且好嚮往兒時嘅生活，所以搵多兩年錢之後，我決定去找尋人生的新方向，重投家鄉嘅懷抱。」
年齡：26
三圍：32B-24-32
身高：5呎6吋
強項：跳踢躂舞
撰文：荒木