過江女神：PR發盈警 求恩客補貼
公交公司盈警求公帑補貼，市民怨聲載道，之不過澳門夜總會囡囡因生意難撈要求人客補貼，竟然得到大眾認同喎！金龍夜總會PR小雅更表示要發盈警，希望人客幫補咁話喎。
競爭激烈
有指澳門賭場同夜場競爭愈來愈激烈，夜場為留熟客送禮又送女，因此有夜場女曾向公司提出過加價，當然不被接納，事關夜場為保優勢情願賺少啲都唔想畀玩家炮轟，咁嘅情況，囡囡惟有向人客埋手。喺澳門金龍夜總會工作嘅PR小雅就話希望各位高抬貴手幫補吓喎！小雅解釋：「雖然現時係暑期旺季，但唔代表生意會超好，只係比一般日子好，更可惜係愈來愈多囡囡加入競爭，所以為令業界更好，人客都有責任穩定夜遊界囉！」嘩！阿妹講到責任喺人客身上，似乎你似係人客多啲囉！
人客歡迎
雖然細佬都深受通脹壓力，夜場加價無可厚非，但其實要玩家肯使錢唔係一味靠平就得，而係夜場及囡囡服務好壞，所以一句到尾，囡囡好，人客自然好。但小雅認為：「就以中港澳地區計算，澳門夜場平均服務質素屬最高，且價錢亦非常合理，無奈好客可遇不可求，所以我提出人客喺貼士方面應該大幅增加，否則囡囡有權選擇性提供服務，當然遇到好客時，囡囡亦自覺提升服務質素，咁至做到公平交易！」
滿以為阿妹提出呢種方案會遭人客推翻，但問過多位玩家心聲，佢哋都認為有責任保存澳門夜場服務質素，更表示貼士獎金發放畀囡囡，總好過夜場一刀切加價咁話！
小雅小檔案
三圍：34、24、33
身高：5呎5吋
撰文：祖 攝影：德