呢排識咗個後生嘅玩家，佢幾乎每個禮拜，都會約埋班老友北上，去夜總會攬女唱歌。雖然夜總會嘅囡囡質高又好玩，但係佢就對夜總會嘅K歌有啲微言。佢話：「我好鍾意唱歌架！去到夜總會攬女之餘，梗係要唱吓啲新歌啦！點知好多夜總會，佢哋嘅歌唔單止唔新，有啲仲係Out到爆，佢哋所謂最新嘅歌，起碼都有成三年歷史，搞到我唱唱吓都冇晒興趣，索性同囡囡劈酒好過。」
其實好耐之前，內地唔少夜總會都會以新歌嚟吸引玩家，希望滿足到一班鍾意攬女兼唱歌嘅玩家需要。不過隨住玩家嘅興趣轉移，鍾意猜枚飲酒同抽水，多過想唱歌，加上唔少夜總會都唔再重視更新歌曲，故此就出現呢種情況。雖然呢位後生仔有微言，但係我就覺得唔可以怪個場嘅。因為搞成咁嘅情況，玩家自己都有責任。另一方面，有啲玩家亦會覺得，落得夜總會尋歡，仲唱乜嘢歌呢？梗係攬女最實際啦！如果想唱歌嘅話，不如去連鎖式KTV，或者落酒吧唱餐飽好過。當然計我話，最好就係囡囡夠索又好玩之餘，啲歌又夠新，兩者兼備咁就最好啦！
撰文：大軍