睇開娛樂新聞，久唔久都可以睇到有關明星客串模特兒行天橋騷嘅報道。而睇到相關天橋騷，每每令小弟覺得自卑，事關小弟絕少能夠同模特兒有所接觸都算，一系列天橋騷亦鮮能參與。不過，如果大家去到德國柏林，就算係平民百姓亦一樣可以欣賞到美女模特兒上演天橋騷，一定會因為模特兒嘅驕人身材以及世界大同而感到高興。最近柏林時裝周隆重展開，除咗市內各個大型展覽場館不斷上演天橋騷之外，就連當地嘅地下鐵車廂內，亦一樣有騷睇。雖然，模特兒於車廂內行騷冇特別嘅燈光襯托，但係一樣落力演出，而且同樣會搔首弄姿，兼且配上性感時裝大晒驕人身材，不過小弟我就最欣賞佢哋與民同樂嘅態度喇。