芒果哥：我同老婆結婚十年，性生活一向正常，最近聽到佢嘅好姊妹講話我老婆向佢投訴，講我做愛唔夠勇猛，我真係好擔心，我怕會冇咗個老婆，應該點算好呢？
水吧強：當然要快啲想辦法令自己重振雄風啦！有錢嘅買啲乜嘢人參、鹿茸、冬蟲草返嚟當飯咁食，冇錢嘅就要買多啲有營養嘅食物，總之要整好副偈，咁至有彎轉。
夢離坦：外人講嘅嘢，你信一成都死，計我話最好就係同你老婆當面講清楚，然後好好解決，其實佢咁講可能有好多意思，千祈咪斷章取義，否則大好家庭從此毀滅！
吹水明：我反而擔心你老婆點識得比較，九成佢喺外面有男人，咁佢至會比較到你勇唔勇猛，佢一定食慣猛男，所以對你表現深表惋惜，目前先解決綠帽問題要緊呀！