作為脫星界新人，即使外界反應再曳起碼都要玩幾個月至收檔，但索爆新人Carie Lee出道不足一個月就突然收檔，有指係阿妹決定收山嫁人，亦有傳係身患重病。直至今日佢又重回四仔界，可惜人氣大不如前，仲要畀一眾網民圍插，呢啲咪叫玩死自己囉！
撰文：祖
記得年初時，Carie Lee以人靚波勁高姿態出道寫真界，拍罷第一輯寫真後就簽約四仔片商，準備開拍處女作，外界非常期待，點知一個星期唔夠，就親自開記招表示會退出脫星界，令人嘩然！事後成人傳媒不斷追訪Carie Lee，有消息指阿妹未婚懷孕，因此要即時離開，但大部分人相信阿妹係身患重病，未能通過四仔體檢，所以無緣上床演出！面對傳言滿天飛，阿妹終於企出嚟解畫，表示所有傳聞都不盡不實，離開嘅真正原因係心情唔好！有冇搞錯，心情好就剝，唔好就唔玩？難怪影迷都話你侮辱四仔界嘅專業啦！
雖然四仔迷於網上狂插Carie Lee無品，但自此阿妹冇再出現過，事件總算告一段落，直至六月份，佢再有一輯新寫真網上流出，即時勾起麻甩佬集體回憶，反應一面倒指Carie Lee人財兩失，惟有復出搵食，而當事人企出嚟解釋：「當日引退係商業上考慮，由於經濟市道不穩，加上四仔公司出價太低，所以我同經理人再三商量，決定暫時離開四仔界，待有機會捲土重來，而綜觀今日市道轉好，令我大有發揮機會！」哈，Carie Lee家陣你講乜都得啦！鍾意嚟就嚟，走就走，四仔迷啃得落至奇，不過你勝在條件好，肯剝都無所謂，擺番三五七年應該會有多少成績嘅！
出生日期：1984年3月10日
三圍：34DD-22-34
身高：5呎6吋