香港人去旅行為「濕平」，洋人去旅行為咗乜呢？原來係為咗搞嘢，喺美國阿肯色州數年前出現一四仔片商，以出國拍四仔為賣點，邀請現役脫星去世界各地拍床戲、打野戰，結果外界反應極好，及後片商更開設旅行社，為一眾有興趣出國搞嘢嘅色情男女開辦荒淫旅行團！四仔賣得，搞團又好搵，難怪老闆發過豬頭，不過主辦單位一啲都唔「拿西」，除開發新性地外，不論單身、情侶、夫婦及荒淫團體都可以報名參加，好似最近舉辦出國團已發展到伊拉克、埃及、杜拜、沙特及古巴等地。喂，大家都知美國佬幾多仇家架，國民唔驚死，仲要去人哋地頭搞搞震，難怪參加者都話刺激到暈啦！