性情互Chat:偷食生感情

大笨占:最近小弟真係好煩惱,因為上星期跟一位女同事出外公幹,兩個成年男女乾柴烈火之下,晚晚都搞上兩三劑,結果返到香港之後,我仍然好掛念晚晚春色無邊嘅日子,但呢位同事已經係人妻,而且佢真係志在偷食,叫我千祈唔好諗多咗,可惜我依家已經墮入情網,無法自拔。

麻煩友:我就覺得個女人一定係扮瀟灑啫!女人肯同你晚晚搞兩三劑,都一定係動情喇!仲要佢係有老公,都對你如此豪放,你如果真係鍾意嘅,咪畀啲誠意出嚟囉!

愛美麗:既然人哋都叫你唔好諗多咗,就知道佢係一個灑脫嘅女人,你身為男人都咁婆婆媽媽,難得對手咁大方,你開心都嚟唔切喇,仲怨天怨地做乜鬼,想談情就正正經經去識女仔,唔係咁樣嘅!

阿正:我份人就好老正嘅!今次好明顯就係你唔啱,出外公幹又偷食,仲要偷埋人哋老婆,依家仲話產生感情,你估呢個世界欠你嘅咩!快啲回頭是岸,唔好再沉迷於色慾之中。