日前武漢有機構搞咗個「財富英雄相親會」，吸引咗60多名性感比堅尼索女上陣，網民直斥同賣肉市場無異，查實類似嘅選美會經常會選胸模、腿模，甚至啤酒模，總之噏得出嘅都有，而最淫亂可算 一間私人會所搞救生妹招募，囡囡着比堅尼之餘更要下水，任人評頭品足，最後上房試閘！
內地豪華會所多不勝數，有錢佬甚至可以興建私人會所招收會員齊齊爽。早前有傳一間私人會所，內有夜總會、骨場、桌球室甚至私人泳池，為慶祝室內泳池開幕，大會就舉辦一個女救生員招募，請囡囡上台行騷，之後下水濕身作救生示範，同時廣邀會員入場做評判。
當然大家都知道選救生員純粹噱頭，真正目的係吸引玩家競投囡囡上房交易，而大會更連續七日舉辦賽事，據聞百多位參加者當中不乏白領、大學生，更有夜總會囡囡，參加者都清楚目的，之不過純為嗌高價而不介意上台任人評頭品足。
當中一位會員透露，查實私人會所定期都會舉辦各式各樣活動吸引會員入場，但最終目的無非係賣淫。會員解釋：「大大小小嘅會所實在太多，要吸引就要有噱頭，否則人客就會過檔其他地方玩，因此再無聊嘅活動都要作大嚟搞，志在話畀大家知道會所存在。同時人客亦好現實，邊度有活動搞就代表有着數，入場睇騷開心番晚，最後未必會食女，總之就係各取所需啦！」
原來會所喪搞活動都冇損失，理由係會有商品贊助，加上囡囡自願參加，人客入場亦會消費，更可收宣傳之效，難怪內地富豪界都流行興建私人會所搞淫亂派對！雖然話選美未必吸引到大量玩家消費，但始終對囡囡有幫助，原因係玩家中不乏富豪，見到啱胃口嘅都會心動，而選美會有別於夜總會囡囡，只有底價冇公價，因此只要附近有「選美、選模」活動，囡囡自然踴躍參加，希望被老細睇中，過夜或短包都有着數。
撰文：祖