內地嫩模界競爭比香港仲激烈，一啲未夠實力站穩陣腳嘅女仔，好快就被人淘汰，眼見自己失去搵食機會，部分女仔索性轉型。據老友信哥透露，呢啲嫩模慘遭淘汰後，如果肯豁出去，依然不乏搵錢門路，例如可以從事伴遊工作。據了解，呢個情況喺內地大城市頗為流行，客戶多數為外國商人，喺內地公幹時悶悶哋都想搵個女仔陪吓，但去夜店搵囡囡，溝通又有問題，又怕被人呃，於是會上網攞料，雞頭只要搵個識英文嘅打手，就可以輕易同佢哋溝通，報稱囡囡全部係模特兒，客人可以上網核實，有相為證，因而大有巿場，至於過程中想提供乜嘢服務，仲可以事先溝通好晒。據講部分客人出手闊綽，女仔服侍得周到嘅話，單係肉金都過萬元。當然，呢啲工作唔係話有就有，必須有中介人鋪橋搭路，否則嗰啲囡囡都幾難成事。