大軍幾時都話，到內地消費要打醒十二分精神，同埋最緊要識得隨機應變。話說上星期老友祥哥到咗深圳唱淫K，玩到半夜，諗住各自帶囡囡返酒店開心吓，點知出到門口時，就遇上兩班青年發生爭執，祥哥表示佢哋大概係為咗爭女而嘈起上嚟，最初只係互相指罵，點知愈鬧愈激動，仲有人手持鐵通木棍等武器，好似就嚟要發生大戰咁樣。
祥哥正想拿拿臨離開，之不過好衰唔衰，Call番嚟嗰部的士，竟然停咗喺兩班熱血青年嘅中間，而司機仲企咗出嚟湊熱鬧。祥哥正想兜個圈上車，點知兩班人就喺呢個時候打起上嚟，佢見狀立即匿番入K場避難。祥哥表示今鋪實冇運行，於是即時派彩遣散囡囡，果然坐唔夠半小時，警察查牌，有女嘅就要有排解釋，佢哋成班麻甩佬至幸免於難。好彩祥哥識執生，否則開心唔到，話唔定仲要踎埋一份添！
撰文：大軍