雖然家陣吸收新資訊，可以透過電視同上網完成，但係聽收音機依然係好多人嘅興趣，例如家庭主婦同職業司機等等，因為可以一邊工作一邊聽節目嘛。不過，香港嘅電台節目都仲係單調咗少少，唔係講政治就係有啲DJ係又笑唔係又笑，唔似瑞士咁有色情廣播可以收聽。早前，瑞士蘇黎世一個電台破天荒播放一段收錄自夫婦交歡嘅聲音片段，引起社會極大回響。而呢對夫婦見節目甚為受歡迎，決定再下一城，於深夜時分播放來自七十年代鹹片嘅色情音樂同叫聲，每晚播足四小時，以滿足廣大聽眾嘅需求。呢對夫婦仲話，希望藉呢個節目可以為蘇黎世帶來活力，並且刺激到蘇黎世嘅男女增加交歡次數喎！唔通蘇黎世嘅生育率處於低水平？