打風呀！打風呀！剛剛先到夏天喎！咁快又有颱風吹到嚟？睇天氣報告又未有熱帶氣旋喎！其實係最近內地又有掃黃風暴，即係俗稱打風，搞到好多有北上夜蒲習慣嘅朋友都只好忍住團火，決定留港建港。不過，據講打風情況於夜蒲熱點較嚴重，其他地方，例如係偏遠外島則風平浪靜。
最近內地為迎接即將於舉行嘅大運會，四出整肅區內嘅不良風氣，令已經冇幾多嘢好玩嘅深圳又失去幾分精彩。就連港人嘅北上夜蒲熱點東莞一帶，亦受到打風消息嘅陰影所籠罩。朋友A早前去過東莞常平，其中一間夜總會玩樂嘅時候，都感受到場內氣氛比較緊張，一班原本打扮得花枝招展嘅囡囡，都冇如常換上夜場晚裝上陣，反而以普通便服坐枱。問過經理之後，知道雖然附近仲未有大型掃黃行動，但係大家都知道常平乃係黃業重鎮，遲早都會打到嚟，因此夜總會就吩咐一班囡囡以便服開工，若然不幸遇上掃黃，都可以辯稱佢哋係客人嘅女友，而唔係夜場囡囡。
夜總會負責人除咗安排旗下囡囡，只着便服之外，同時亦通知客人，唔好帶囡囡去其他酒店開房，最好用番夜總會樓上嘅房間。經理表示，原因係去到其他酒店之時，萬一遇上掃黃行動，夜總會負責人好難通知客人走鬼。另外，經理又叫客人最好保持清醒，亦要同囡囡夾定口供，以便遇到查房嘅時候，扮成熱戀中嘅情侶。雖然見夜場安排咁謹慎，但係朋友A都係覺得唔怕一萬，至怕萬一，所以最近就冇去常平夜總會，而經老友安排之下，轉戰到較偏遠地區。朋友A由老友嘅帶領之下，去到廈門一個碼頭，咁當然係要搭船啦。老友話畀朋友A知，其中一個外島近期因為掃黃行動而吸引到好多夜蒲客去玩樂，生意甚為興旺。
朋友A一眾男人搭咗約一個半鐘頭嘅船之後，就去到一個外島。島上有幾間簡單嘅別墅，朋友A一行人就去到其中一間下榻。眾人各霸一間房之後，負責帶隊嘅老友就打電話搵雞頭，叫佢安排幾位小姐嚟外島。又經過一陣，一班小姐到達，雖然朋友A都認為班小姐質素平庸，本來想叫雞頭搵第二班靚少少嘅小姐，但係又唔想再等，於是不甘食白果嘅朋友A，最終都係隨便揀一位小姐陪玩。由於別墅入面都已經預備好卡拉OK同啤酒，所以眾人都算玩得開心。而朋友A得到熱情嘅小姐相伴，心情漸佳，二人先互相撫摸，再激吻起嚟。然而，朋友A見眾兄弟玩得興高采烈，所以決定唔入房埋牙，而去到別墅不遠處嘅沙灘進行激烈纏綿。
撰文：賢