想知幾時死？有五千五港紙就得喇！西班牙有科研公司推出聲稱憑染色體端粒，可測試閣下壽命長短，並將於年內推出！姑勿論準確度高低，經已吸引全球人類關注，脫星Jessie Andrews更表示想成為第一位顧客，知道幾時死，唔使捱得咁辛苦喎！
畀你知道自己幾時死，乜真係會安樂啲？舉個例，若然知道十年後嘅今日就玩完，餘下日子你又會點過呢？細佬就認為唔開心必定比開心多，做人亦唔會變得有意義，因此即使科研公司能準確知道壽命長短，免費我都唔會試。但Jessie Andrews表現相當興奮，理由係佢想知道自己幾時死外，亦想知道仇家幾時歸西！
Jessie Andrews解釋：「做脫星好辛苦，加上收入同付出不相稱，假如知道自己幾時死，就可以將工作及人生安排得好啲，假設一年後即死，咁我肯定即時消失四仔界，借盡銀行貸款兼用盡畢生積蓄去歎世界，仲邊得閒同你日夜拍四仔先？」脫星嘅最大快樂講到尾都係錢，都好合理，唔通剝衫示眾係為藝術咩！
知道自己幾時死都唔係最大樂趣，Jessie Andrews話最想知仇家幾時歸西，事關入行以來，仇家一籮籮，尤其係身邊一眾爭上位嘅脫星，阿妹表示發夢都想揼對方好耐，佢解釋：「哈，我呢種人又怕死但又好勇鬥狠，若然知道仇家遲死過我，就算犯法我都要好好炮製對方一劑，以洩心頭之恨！」嘩！果然最毒婦人心，原來不論中西，女人都唔可以得罪，不過麻煩阿妹死之前講聲，等細佬可以入定貨，無謂死後要捱炒價買你嘅四仔啦！
出生日期：1992年3月22日
三圍：34C-25-34
身高：5呎8吋
撰文：祖