有老友最近上夜總會玩，發現有主任坐枱嘅服務，如果情投意合，仲可以出街再續情緣添！記得東莞桑拿場，最先引入主任組囡囡，曾經引起唔少骨友嘅興趣，但真係估唔到着住套裝嘅囡囡，比起身穿性感衣着嘅囡囡仲要吸引，原因何在呢？
撰文：小德
據做咗十幾年桑拿嘅發哥透露，佢哋個場啱啱引入主任組囡囡時，生意只屬一般，但係當有客人試過之後，個個都話正！究竟點解呢？發哥話：「我問過啲客人，主任囡囡可以畀到客人無限想像嘅空間，你想幻想佢係乜嘢都得。」
原來客人喺日常生活中，周時都會遇上各式各樣嘅女性主任，例如酒樓、餐廳、商場，甚至係公司或銀行，佢哋清一色都係着套裝，一臉女強人本色，就算囡囡幾靚女都好，因為呢身嘅制服，客人好多時都係只敢遠觀，而不敢走得太近。
但桑拿場或者夜總會，推出主任組囡囡之後，佢哋就可以將平時暗暗心儀嘅女主任形象，投射喺呢班囡囡身上，然後得到心靈同肉體嘅滿足，絕對係一舉兩得嘅事，你可以幻想佢係酒樓嘅部長又得，甚至係銀行嘅女經理亦得，真係悉隨尊便。
由於有咁嘅心理需要，所以主任組一推出，就特別受到客人歡迎，聰明嘅老總，就會將呢組囡囡特別炮製，專門挑選一啲高質嘅囡囡加入，首要條件就係要有秀氣，因為好少見女主任會一身涉谷囡囡嘅打扮，所以愈清秀就愈能吸引客人。
第二個條件，就係談吐要得體，大家都知內地嘅囡囡，講嘢一係嗲聲嗲氣，一係粗粗魯魯，但做得主任嘅，講嘢一定要大方得體，而且要言之有物，據講主任組嘅囡囡，日日都要上網睇完新聞至可以返工，免得冇話題同客人溝通。
第三個條件，就係要有秘密武器。據富哥講，佢哋嘅服務可以唔使同其他組嘅囡囡咁做足十八味，但就一定要有兩三項拿手絕活，令客人驚喜萬分，只要畀到客人驚喜，就一定有回頭，有回頭客就會有口碑，自然主任組就愈做愈旺啦！