今日介紹一個嚟自北京嘅靚女模特兒畀大家認識，名字叫做于揚，聽呢個名大家比較陌生，事關佢做網模出身，所以一講佢嘅網名，就會有大把人認識，而佢嘅網名就叫做小魚兒，喺網模界都算係十大之內嘅人物，照片轉貼率超高。
又難怪嘅，于揚人靚身材正，而且形象百變，喺網上走紅之後，馬上轉戰平面模特兒界，近年南征北討，已經成為全國炙手可熱嘅人氣模特兒。唔講大家都唔知，于揚嘅粉絲，竟然係女生多過男生，至於點解？真係要問問佢啲粉絲先至知道。
由於得同性歡心，所以佢經常接拍唔少時裝硬照嘅工作，仲成為潮流嘅指標，所以登入佢嘅官方網站，雖然性感火辣嘅照片多的是，但點都唔夠佢嘅時裝照多，但其實于揚性感嘅一面，真係好吸引，千祈咪因為市場需要，而埋沒性感嘅一面呀！
撰文：小德