五十歲英國人工「美女」Cindy Jackson，畢生整容多達五十二次，甚至創下世界紀錄咁巴閉！查實美國妹Eve Smile都唔弱，事關阿妹五年內隆胸拆彈不下廿次，目的正係追求最貼合自己嘅完美胸部，阿妹更表示一日在世，一日都會繼續裝拆！
撰文：祖
隆胸拆彈再隆胸，喺美國非常普遍，但正常情況下，Cup數只會不斷提升，絕少會學似當事人Eve Smile咁，忽大忽細，忽挺忽墮囉！阿妹嘅解釋係外界嘅標準，並非佢個人標準，胸部美醜要視乎個人身形同心情喎！阿妹解釋：「追求大咪咪係永無止境嘅，H Cup可算超大，但明天又可以再上一Cup，因此，純粹要大根本冇意思，學似我咁，125磅，5呎6吋高，孖D Cup，視覺上經已好震撼，但我發現要按季節性，例如夏天到要着比堅尼，咪咪要大兼挺，我會增多兩Cup，秋冬要走型格路線，咪咪起碼縮三Cup，有時心情唔好，又會擴大啲咪咪令外界色迷迷𥄫我，增加魅力！所以呢幾年我不斷變大變細，可謂習以為常囉！」Eve Smile你就話睇慣啫，但追隨你嘅影迷都幾陰功，買着部「拆彈」四仔，真係喊得一句句囉！
粗略統計，Eve Smile近年「擴建拆彈」超過廿次，而且從未諗過對健康構成問題，阿妹認為做女人天生愛靚唔愛命，對於往後日子，依然會繼續我行我素。Eve Smile解釋：「健康我冇擔心過，反而怕中年發福，到時身形暴脹，未知咪咪尺寸點至為之合適，另一方面，公司要求我保持咪咪於DD或以上，否則會終止合約，當然我絕不妥協啦！計我話，脫星咪咪時大時細至有話題性，一味靠大取悅觀眾，好快被外界定型，假如再有人強迫我身材尺寸，我情願將咪咪整到AA Cup無聲抗議！」阿妹你用咪咪幸福同前途作賭注，邊個夠你玩先？
出生日期：1986年6月18日
三 圍：34DD、25、36
身 高：5呎6吋