蒙古裸女跳脫衣舞又扮交警大鬧中環，口痕友話當事人有資格做脫星，其實講得冇錯！事關美國有位叫Marie McCray嘅妹豬，當年都係因為失常而入行，結果竟然紅到發慌，阿妹仲自言希望癲多次，發揮意想不到嘅創意喎！
估唔到受過高等教育嘅脫星Marie McCray會同港人一樣咁癲，我哋就話盲搶鹽啫，但阿妹就享受失常後嘅快感，究竟話佢癲得勻循還是借題發揮炒作好呢？而Marie McCray解釋：「記得三年前未入行時，某日行過一間內衣店，望見櫥窗一套非常Sexy嘅內衣，跟住我就不自覺地剝衫，然後衝入內衣店搶走公仔身上嘅內衣，之後發生咩事就唔太清楚！」而根據現場目擊證人嘅口供，當時佢已全身赤裸，入內喪搶胸圍底褲，店主見佢身無一物，本來好想幫佢，奈何店舖被搶劫，感到非常無助，終於要報警求助，正喺等待期間，Marie McCray已成功搶走多套內衣然後跑出街外試穿，現場麻甩佬就當戲咁睇，完全冇諗過幫手！
好在店主事後原諒Marie McCray冇再追究，但阿妹就被頒令要強行接受心理輔導，經過半年時間，阿妹都冇再發現有任何失常情況，而同時間就有四仔星探上門搵佢當脫星。
多得傳媒報道，Marie McCray成為網絡紅人，相信正常老闆都唔敢請佢，於是阿妹一口答應片商邀請，正式踩入四仔界，而處女作亦以失常裸體做劇本，故事講述Marie McCray喺公路壞車，點知方圓百里都冇人救援，結果阿妹就剝衫散熱兼吸引其他車主留意，跟住當然車震一番啦！
不出所料，四仔大受外界歡迎，難得嘅係Marie McCray絕不介意搬出醜事嚟玩，從此企穩四仔界，可惜嘅係近年佢人氣大不如前，難怪佢近期表示希望再失常一鑊，話唔定可藉此再次出位，榮升脫星一姐呢！
出生日期：1985年5月21日
身高：5呎2吋
三圍：34C、25、34
撰文：祖