一個品牌出名，自然有翻版，一個人出咗名亦自然有人借佢嘅名號搵食，好似內地當紅女演員范冰冰咁，都有唔少新進模特兒或演員被認為同佢相似，好似早前為大家介紹過嘅楊淇涵咁，就有「小范冰冰」之稱，不過原來呢個綽號仲適用於一位女演員，佢就係熊乃瑾喇！
來自四川嘅熊乃瑾先後於四川省藝術學校，以及北京電影學院畢業，擁有四川美女嘅嬌小身形以及標致面孔，最重要就係氣質典雅秀麗，所以得到內地一間知名傳媒集團賞識，將佢招為旗下藝人，家陣仲已經成為集團嘅當家小花旦添！
熊乃瑾本身除咗演戲出色，亦多才多藝，唱歌跳舞難佢唔倒，仲識彈鋼琴同琵琶。當然，熊乃瑾氣質不凡，但個人認為都係欣賞佢演戲以及拍寫真多啲，大家如果想感受一下阿妹嘅典雅韻味，上佢個Blog就冇錯喇。
撰文 ：賢