最近有老友喺間大型夜總會玩，由於揀唔啱心水，於是冇搵囡囡坐枱，點知個打碟妹就同佢講，話有同係打碟妹嘅姊妹，因為今晚冇客人開房，所以小費冇着落，於是問老友介唔介意搵佢嚟陪吓，老友見自己一支公，於是就答應咗打碟妹。
打碟妹認真醒目，馬上就搵咗佢個姊妹入嚟，囡囡樣子清秀冇乜風塵味，正係老友最喜歡嘅類型，問佢小費多少，佢話只收二百人仔，而呢個場嘅囡囡基本都收三百，家陣平咗成百蚊，老友當然高興，而且期間毛手毛腳都冇問題，老友十分歡喜。
曲終人散，囡囡更主動問老友住喺邊，擺明就想有下文，於是兩個就上房溫馨短聚，之後囡囡沖涼換衫，跟手就要求老友派彩，老友放下四百，點知囡囡話唔夠，老友畀到六百，囡囡話打碟妹公價八百，老友無奈照畀，但計落咪仲貴過三陪囡囡？
撰文：大軍