依家潮流興3D，睇戲又好打機又好，總之唔係3D就唔夠潮，估唔到睇書都學人玩3D。最抵死就係本書係擺明講靚波，係知名成人出版社TASCHEN嘅出品，攝影當然有質素，除咗人靚、景靚同波靚之外，構圖美術都同樣出色，好多鬼佬都鍾意儲佢哋出版嘅書，性感得嚟又有品味，絕對唔係一般鹹書可以比擬，不過價錢當然乸脷，有興趣嘅不妨上網預訂。
撰文：荒木
書名：《The Big Book of Breasts 3D》
售價：約HK$320
美國LA出名夜遊活動多，酒吧、艷舞廳多到數唔晒，不過最近有間全裸鴨仔吧開張，吸引咗全城女士光顧，就算唔係有心叫鴨，都會去見識吓。事關吧內所有鴨仔都係全裸周圍走，同客人傾偈談心，飲酒作樂。客人仲可以乘機抽水，佢哋唔會介意，仲好識同你搞氣氛，拉你去跳貼身舞。一個唔覺意，細佬仲會向你行禮，搞到好多女人心猿意馬，流連忘返。