今年對於男人嚟講可以話係一個好年份，起碼比上年好。點解咁講呢？原因係上年屬虎年，老虎乸自然惡晒啦！而今年就係兔年，我就唔敢講男人會惡返轉頭，但係可以肯定我哋男人可以用視覺享受到好多兔女郎。就以內地模特兒界為例，為慶祝兔年來臨，好多模特兒都變身成為兔女郎拍一輯性感寫真，而呢類應節兔女郎寫真當中，我就最欣賞由一家大型網絡商所拍嘅一輯喇！因為，寫真入面總共有六名青春美艷模特兒，每個都咁索之外，仲以潮得嚟又性感嘅動漫式兔女郎裝扮現身！而呢輯充滿新春氣氛同春光嘅寫真，已經被內地網友魔導士上載到博客喇！鍾意兔女郎嘅朋友千祈唔好執輸，上去睇餐飽喇！