好多老闆都想請個樣靚身材正嘅秘書，佢做唔做得嘢都係其次，最緊要熱情惹火，聽教聽話就最好喇！所以最近日本開咗間另類秘書學校，專門訓練呢類惹火秘書，佢哋畢業後唔憂無出路，大把老細爭住請，人工仲好到你唔信，唔怪之得啲靚女爭住入學喇！
呢間秘書學校其實都有一定嘅入學要求，起碼佢哋本身都要達到一定標準身材先可以入學，如果太醜樣嘅話，讀完都係無人請，咁就無謂喇！所以好多入學嘅女仔，本身都有一定姿色，只係需要學校幫佢哋再執靚啲，同埋教佢哋一啲基本秘書技巧，最重要係要學識點樣服侍老細，點樣冧掂老細先可以長做長有，年年加薪嘛！隨時冧得好，做埋老細二奶，就直情唔使做有排歎。所有秘書入學嘅時候，都講明一定要接受床上技巧訓練，所以佢哋入得學，都知道日後一定要用身體去滿足老細，絕對聽教聽話，唔會對鹹濕波士有異議。
不過唔係所有老細都係鹹濕波士，所以佢哋都要學定一些調情技巧，同埋一定要懂得裝身，無論裏裏外外都要令男人目不轉睛，仲要不經意咁露出事業線，間唔中畀老細瞄吓嘢，咁先可以勾引到老細對你起痰。不過呢啲另類秘書，好多時都係逃唔過畀老闆娘怒炒嘅命運，所以佢哋最重要係識得搵老細，見工嘅時候最好問清問楚，唔係做得幾個月就畀人炒，仲要蝕埋肉體，好唔值得。據學校負責人講，有好多識得搵老細嘅秘書，喺畢業後好快就搵到個大碼頭，仲服侍得老細鬼咁掂，唔使一年就已經畀人金屋藏嬌，幾鬼風光！
撰文：荒木