最近喺深圳骨場，遇到個90後嘅骨女，問佢今年有冇打算返老家，佢話冇咁打算，於是問佢點解？佢話去年七、八月至出嚟，起初喺廣州啲夜總會做小姐，諗住做到年尾，點都賺到啲錢，於是仲問老鄉借錢，交咗擔保費三千，置裝費兩千，心諗捱兩三個月，就乜都賺晒番嚟，點知一返工冇耐，間夜總會就畀人掃蕩，當晚就貼晒封條話要停業整頓，啲經理主任即時全部閃晒。
囡囡嗰五千幾蚊一下子全部泡湯，惟有焗住轉做桑拿妹嚟填數，做到上個月至還清晒啲錢，於是落嚟深圳重新做人，家陣身上一分錢都冇，邊好意思返鄉下過年，只好留喺深圳搏命。佢話希望喺下一輪掃蕩之前，搵到啲錢啦！所以話咪以為做囡囡就一定可以搵到好多錢，有時命運弄人，有時一朝富貴，有時亦會一朝閉翳。同人唔同命，真係分別起嚟會差天共地。
撰文：大軍