最近好多音樂頒獎典禮，雖然是非多多，但一眾歌手，都好想攞番個獎威吓，證明自己嘅努力，並冇白費到。喺日本AV界，亦有唔少相關嘅頒獎禮，舉行得如火如荼，其中DMM亦公布咗2010年下半度，銷售榜十大嘅位置，值得留意。
DMM係日本最具盛名嘅AV網上銷售中心，佔業界銷售量嘅五成以上，所以十分有代表性。佢哋公布嘅最高銷售榜前五名，分別係第五位嘅瑠川莉娜，第四位嘅大沢美加，第三位嘅Julia，第二位嘅中西里菜，同埋好多人都跌眼鏡嘅第一位春菜花。
人氣極盛嘅明日花綺羅竟然不入十大，而天后級女優吉沢明步，只保住第八位，而年齡稍大嘅童顏巨乳麻美由真，亦只能保住第六位，可想競爭有幾激烈，而第四同第五位都係新進靚女，人靚身材好，證明之前經過不少努力。
而第三位嘅Julia，絕對係今年嘅驚喜，阿女擁有無敵39吋嘅上圍，而且樣子甜美，演技精湛，但亦只取得第三位，大家都覺得有啲可惜，而第二位就係前AKB48嘅成員山口里子，現改名為中西里菜，佢挾住AKB48前成員之勢，下海唔夠半年，連發兩三張新碟，張張大賣，但都只能佔到第二位，可想而知，第一位有多強。而取得第一位嘅女優，就係春菜花，阿女又係巨乳一族，但樣子只屬一般，演技又差，而且出碟又少，但就擊敗所有強敵，唔通大乳就係一切？有機會大家不妨求證一下！
撰文：小德