提到加勒比海，大家可能會諗起《魔盜王》，因為幾百年前，呢個海域真係有好多海盜橫行，係海盜嘅天堂，到家陣，海盜唔見晒，不過一樣係男人嘅天堂！位於加勒比海嘅牙買加歡樂度假村II（Hedonism II），有陽光與海灘，實在係度假天堂。至於點解話佢係男人天堂，正因為該處每到三月，就會舉行「無泳衣小姐選舉」。
呢個為期七日嘅盛事，主要環節就係由去到該處旅行嘅女士，一齊剝走身上嘅泳衣參與。身材好當然着數，不過呢個並唔係評分準則之一，事關評判仲要根據佳麗嘅熱情度畀分，如果能夠不畏裸露之羞，於選舉之外嘅裸體時裝表演、遊船河、的士高派對等活動當中，同大家打成一片，即使係半老徐娘，亦可以擊敗婀娜美少女而得到冠軍。
而除咗無泳衣小姐選舉，亦會舉辦埋濕衫小姐以及人體彩繪選舉，全部都令男人大飽眼福，所以嗰度真係男人嘅天堂！
撰文：賢