夜蒲人:功夫艷星床上晒絕招

有人將鹹片歸類為動作片,皆因片中嘅肉搏場面,有時比所謂動作電影更加多。雖然呢句說話有啲開玩笑成分,但事實上,唔少四仔女星都有功夫底子,好似以下三位咁,可謂四仔界嘅臥虎藏龍,不論床上功夫定係床下身手,都係有相當嘅實力!

華麗腿法 Alexa Rae

出生日期:1980年12月10日

身  高:5呎7吋

三  圍:34、22、34

正所謂拳腳功夫,除咗有拳法外,腿法亦有唔少人學,好似樣靚身材正嘅Alexa Rae咁,佢嘅腿法認真頂呱呱!呢位喺美國出身嘅金髮美人,其實係個跆拳道高手,更曾經參加過跆拳道嘅比賽,講到腿法,絕對可以稱得上係專家。不過既然Alexa嘅腿法咁耍家,點解唔繼續喺武術界發展,而走去拍四仔呢?Alexa笑道:「咪就係因為我嘅身材好得滯囉!須知道我對車頭燈『嘥士』唔細,有時踢腿嘅時候,會因為動作過大而拉傷胸部嘅肌肉,故此我決定轉行拍四仔。」雖然Alexa轉戰四仔界,但係佢嘅腿法卻冇荒廢,反而仲經常練習添!原來Alexa最叻就係用對美腿嚟玩弄男優支炮,畀佢對美腿夾一夾,唔少男優都興奮到想走火咁滯,故此有四仔迷稱佢做床上美腿天后,呢句話一啲都冇錯!

棍聖駕臨 Edita Ungerova

出生日期:1978年5月1日

身  高:5呎6吋

三  圍:34、24、34

唔好以為男人耍棍係專家,原來人氣四仔女星Edita Ungerova耍棍,都有番咁上下功架。皆因呢位東歐美人,以前曾經學習過一段時間棍法,唔係床上嗰啲,而真係拎住條齊眉棍嚟舞嗰種,條棍揸喺手上,真係舞到發發聲。呢位Edita就將耍棍嘅技巧,放喺舞動男人支棍上,希望能將功夫結合喺床技中,畀到四仔迷嶄新嘅官能享受。不過話時話,乜棍法可以同耍棍結合埋一齊咩?Edita表示:「耍棍最重要就係指、腕、臂、腰同馬,呢五種力結合埋一齊。我心諗既然咁大條棍都可以舞得,男人幾吋嘅長槍,又點會難倒我呢?於是就諗出將呢啲技巧,融入舞動男人條棍嘅技術上。估唔到班男優反應相當好,個個試完都話勁爽!」唔知Edita有冇諗過,拍番套鹹濕功夫電影呢?

空手入白刃 Gigi Lightspeed

出生日期:1984年3月15日

身  高:5呎7吋

三  圍:35、25、36

嚟自捷克嘅Gigi Lightspeed從八歲起,就開始練習空手道,時至今日已經有兩段嘅水平,就算喺街度遇到色魔,都唔怕畀人劫色啦!Gigi笑道:「唔單止唔怕畀人劫色,有時喺拍戲時,遇到啲鹹豬手,都唔驚畀人博懵抽水。」片場都有鹹豬手?Gigi就話:「梗係有啦!好似有啲鹹濕導演咁,最鍾意借頭借路嚟博懵,我每次遇到呢啲人,都會狠狠地劈落佢隻手度,等佢唔好咁過分。」咁惡,怕唔怕啲男優唔敢埋身呀?Gigi大笑話:「你同我定,事關我識得將空手道融入床技上,單係一招空手入白刃,就爽到啲男優頂唔順。呢招嘅用法就係雙手捉對方支棒棒係咁捽,真係少啲功力都招架唔住。」

撰文:阿豪