老友雖然係沉船一族，難得隻船人靚聲甜，身材仲相當好，加上對老友一條心，令我哋一班老友不知幾咁羨慕。不過老友卻係有苦自己知，事關囡囡經常嗌話要結婚，而以前做技師嘅佢，平時使慣食慣，行出行入都要搭的士，仲要經常拎佢同其他姊妹比，已經令老友覺得不是味兒。點知最近囡囡將行動升級，竟然喺冇知會老友嘅情況下，接咗佢阿媽嚟住，搞到老友唔知點算好！
事關佢諗嘢不嬲冇咁長遠，有幾多錢就用幾多錢嗰隻。起初以為囡囡只係撒吓嬌，見到情況愈嚟愈唔對路，加上份糧又入不敷支，於是諗住走頭。可惜囡囡知道老友屋企同公司地址，話佢唔想結婚或想分手都得，但就要畀番五十萬掟煲費佢，否則一定會去佢屋企同公司鬧事。老友家陣勁頭痕，唔知點算好！我就覺得既然發展成咁，拖落去都無謂，若然真係無錢畀，就一定要抓爛塊面，邊個叫你唔帶眼識人呢？
撰文：大軍