偷窺係人嘅本性，但將偷窺變成風俗服務嘅一種，唔知大家又有冇諗過呢？日本神奈川就有風俗旅館推出一項名為「偷窺樂園」嘅服務，玩家入到去唔係住旅館咁簡單，而係匿喺密室度偷窺女住客，難怪有玩家稱嗰度做鹹濕佬嘅樂園啦！
玩家如果想去呢間旅館，滿足偷窺樂趣嘅話，首先要提前五日同呢間旅館訂房。玩家入到去後，就有專人帶領入住旅館嘅偏房，然後等待房間電話響起，跟住就喺走廊集合並出動。到時有經理帶玩家經秘道，去到一間設有單向反光玻璃嘅密室，當玻璃嘅窗簾拉開，玩家就可透過玻璃，睇到房間內女住客嘅一舉一動。可能有玩家覺得，女住客知道呢度有人𥄫嘢，又點會入嚟住呢？據講所謂女住客，其實係由風俗孃假扮而成，雖然話係假扮，但係佢哋演技相當逼真，對唔知情嘅玩家嚟講，就別具吸引力。
呢啲密室四通八達，除咗可以偷窺到女住客嘅房間外，仲有泳池更衣室同浴場等場景，只要當呢啲地方有動靜，經理就會馬上叫喚一眾鹹濕佬出動，經秘道去到各個密室，靜心觀賞靚女剝衫嘅春光。此外，若然負責人見到女住客喺房間內有出位嘅舉動，例如匿喺房間自娛，或同男友曳曳嘅話，佢哋都會馬上呼喚眾玩家，到密室觀戰，感覺相當刺激！有曾經去過呢間旅館嘅玩家表示，雖然入到去住，要廿四小時都處於備戰狀態，等候電話響起，神經可能會變得緊張，但係可以滿足偷窺嘅欲望，就算辛苦啲都冇所謂。
若然玩家睇到㷫合合嘅話，仲可以叫旅館幫手，急叫風俗孃上門滅火。不過呢度嘅風俗孃收費都幾貴，每四十分鐘嘅服務，就要成一萬五千日圓，折合約為一千四百港元，另外再加埋一日一夜，盛惠一萬日圓，約為九百五十港元嘅住宿費，條數計落真係幾乸脷！但係有玩家表示，就算價錢唔係個個玩家都負擔得到，但係睇到啲靚女剝光豬兼喺面前表演真人騷，嗰股慾火真係不洩不快，故此就算價錢貴啲都覺得抵玩。話說回來，唔知佢哋有冇諗過，喺旅館內曳曳，會唔會有機會成為被偷窺嘅主角呢？
撰文：阿豪