最近深圳同中山嘅骨場，特別係一啲只提供出火服務嘅小型骨場，佢哋話要提高服務質素，於是廣泛收集客人嘅意見，而最快捷有效嘅方法，就係做問卷調查，所以大家沖完涼喺休息室等緊上房，一定會畀主任捉住，要你同佢哋做個意見調查。
撰文：小德
客人無端端畀人捉住要做調查，相信大家都例必耍手擰頭，骨場為咗令客人合作，大多數都會畀番啲優惠，好似現金代用券或者大廳服務，客人有時為咗貪呢啲着數，都會乖乖哋合作，但如果一啲着數都冇，都幾難成功。
有人會問骨場出人力物力嚟做問卷，目的真係想提高質素咁簡單？我哋問過深圳骨場搞手富哥，佢話：「我哋咁辛苦做問卷調查，主要有兩個目的，講白就好簡單，就係一為臣工，二為弟子！」富哥解釋所謂臣工，就係指顧客，而所謂弟子，就係指一眾夥計，相信大家經富哥咁解釋，開始有啲明白，冇錯！所謂問卷調查，其實就係想以顧客意見嚟要脅老闆進行改善，連帶福利津貼、人手制度都順便提高一下！
原來好多骨場都係喺08年左右開業，經過兩三年打拚，唔賺錢嘅已經早就被淘汰，而留得落嚟嘅，自然賺到盤滿缽滿，而骨場創業初期，好多時都冇乜制度，更唔好話福利同津貼，大家只想公司闖出名堂，走上軌道，於是好多嘢都唔計較咁多。
經過辛苦嘅開墾期，大家都想進入收成期分享成果，但好多老闆都借咗聾耳陳隻耳，詐傻扮懵，於是管理層諗到做問卷調查，話要收集顧客意見嚟改善服務，其實就希望以顧客嘅意見嚟要求老闆改善呢樣、改善嗰樣，內容離唔開人工、福利、津貼，最好仲希望可以增加人手，減輕幕後員工嘅工作量，呢招真係冇得頂，至於老闆肯唔肯就範，咁就真係唔知！所以大家遇上問卷調查，咪盡量配合吓囉！
好多骨場美其名分早夜兩班，但由於人手有限，好多管理層甚至囡囡，都係要踩足兩更，真係連瞓覺嘅時間都冇，技師都話可以逐個客分錢，抽取提成，但管理層有時連加班費都冇，所以佢哋最想改嘅，一係加福利津貼，一係招聘人手，老闆方面大多唔想再請人，事關要畀食畀住，於是員工加福利津貼，會係唯一嘅選擇！