港鐵又生事故，受害者怒插：「年年賺錢，年年出事！」有人仲形容為慘過走難，不過都好過美國四仔界，事關有脫星就喺拍野戰四仔時，被狗仔隊跟蹤偷拍，事後連「唔好意思」都冇句，咁咪仲谷鬼氣！
查實脫星被成人雜誌偷拍，變相有人幫手免費宣傳，何解Madelyn Marie又要雞咁腳拉隊走人呢？原來係為免四仔劇情曝光，搞到影迷冇意欲購買，所以至搞到一半就走頭！而呢類事件喺歐美愈來愈普遍，都啱嘅，英法兩國政府都要大刀闊斧減福利，四仔片商又點會唔跟風呢？與其花錢租別墅影樓畀脫星拍四仔，倒不如天然取景，免費又方便，影迷又睇得開心，一家便宜兩家着啦！
奈何此舉對一眾脫星就叫苦連天，事關佢哋認為戶外拍四仔實在太多問題未解決，例如生理需要、化妝及燈光，都難以控制。Madelyn Marie解釋：「四仔講求男女交合，脫星開鏡前要化妝，戶外設備不足，難以執靚個妝，其次性愛事後又冇浴室沖身，完全唔衞生，加上人有三急，又點會拍得好喎！」阿妹又講得啱喎，遇着開拍前肚痛，仲要埋身肉搏扮高潮，你唔慘過死呀？
搵食艱難，再唔願意都要聽老闆吩咐，好在班高層總算有人性，據聞每位脫星每個月只需出外景一次，其餘時間就返室內拍攝。Madelyn Marie亦認為合理：「四仔多啲新元素，對公司及觀眾都有得益，但據我所知，有同行就因為討厭拍野戰場面，刻意向傳媒放料，等狗仔隊跟蹤，到時就可以即刻收隊。」哈，脫星有計，高層仲勁，為咗杜絕一切消息外洩，依家每次出發前都唔會向工作人員公布，就算連導演都唔知情，拍四仔搞到咁鬼祟，使唔使呀！
出生日期：1987年1月28日
三圍：32DD-24-34
身高：5呎7吋
撰文：祖