現役脫星同打工仔冇分別，都係靠份人工開飯，頂多得閒去夜場兼職跳艷舞。但Sea J Raw就肯定係脫星奇葩，皆因阿妹不但紅爆脫星界，同時兼任天橋模特兒及飲食節目主持，當事人更揚言嚟緊會執導演筒，一嘗大導過戲癮，阿妹瓣瓣掂，封你為四棲脫星都唔過分！
現年24歲嘅Sea J Raw，喺美國紅到無人不識，但並非因為佢剝衫當脫星，而係因為乜都撈，而且瓣瓣掂。翻查當事人資料，其實阿妹廿歲出道，初時係天橋模特兒，喺模界經已有朵。阿妹不甘於此，於是走去拍鹹書裸體寫真，從此一炮而紅，順理成章成為脫星，同男優演床戲。當時外界反應超激，大部分人認為以佢嘅條件，其實毋須剝衫取悅觀眾，有人更力指阿妹破壞自己形象，好快玩完。但經過兩年脫星生涯，Sea J Raw不但冇搞壞形象，反而模特兒及脫星兩邊走，令外界大跌眼鏡。
人紅自然多人爭，Sea J Raw名成利就，啲錢好似自己撲埋嚟咁，較早前就有電視烹飪節目搵阿妹做主持教煮餸。究竟點會扯上關係？連阿妹都笑言開口中：「記得畀成人雜誌訪問時我話最愛入廚煮嘢食，之後就收到收費電視節目監製來電邀請我做節目主持，不過我其實有啲擔心，事關我嘅廚藝認真麻麻……」阿妹擔心都多餘，事關佢所主持嘅烹飪節目可謂掛羊頭賣狗肉，節目內阿妹着得勁性感，甚至胸圍T-Back上陣，郁吓都走光，觀眾都係想睇肉多啲！
亦因為接觸節目製作，Sea J Raw開始對拍攝產生興趣，當事人更揚言，不久將來會開拍一套由自己執導嘅飲食四仔，內容講述食色性也，將食材融匯喺性事當中，更會教授壯陽及催情食品，而現時正積極搵老闆贊助，Sea J Raw你咁有計，搞乜都有人撐你啦！
出生日期：1986年7月12日
三圍：32D-25-34
身高：5呎10吋
撰文：祖