畫畫係咪一種令人悶到發慌嘅興趣？未必！因為畫畫都可以好過癮。事關日本新宿有間風俗店，最近推出一種新鮮嘅玩意，就係可以Call「畫孃」上門，做人體模特兒，而戲肉梗係同「畫孃」打番場友誼波啦！
有玩家可能認為，呢種「自宅派遣畫孃」服務，其實即係應召女郎服務。雖然呢啲「畫孃」大體上玩法差唔多，但中間仍然有啲分別，就係上門嘅畫娘，佢哋報稱個個都係藝術學院嘅學生，玩起嚟唔單只多咗種藝術味，而且亦冇一般風俗孃咁，甫上門就急住拉玩家上床曳曳，對於鍾意搞搞新意思嘅玩家嚟講，平添一份新鮮感。查實呢間風俗店嘅負責人大塚先生，本身亦係藝術家，而佢最愛就係人體寫生。佢有感當年畫畫時，搵裸模太過困難，靈機一觸就推出呢項別開生面嘅服務，既可提供裸模畀畫家，亦可滿足畫家嘅生理需要。
大塚先生解釋，佢好清楚畫家並唔係聖人，有時見到樣靚身材正嘅裸模，不期然會產生生理需要，而呢種「畫孃」服務便可滿足佢哋嘅性幻想，唔使得個諗字之餘，亦可以光明正大同裸模打番場友誼波，可謂一舉兩得！不過，大塚先生亦補充，就算唔係畫家亦可以從中得到另類樂趣。原來該店嘅「畫孃」不但識得擺甫士，仲識得繪畫技巧，喺曳曳嘅同時，仲可以指點玩家畫技添！有興趣嘅玩家可以先登入其網頁，揀選心水嘅「畫孃」同預約有關服務嘅時間同地點，到時就有「畫孃」送上門，服務相當體貼。雖然呢種玩法相當特別，但每小時服務連肉金，盛惠三萬二千日圓，折合約為二千九百多港元，抵唔抵玩真係見仁見智喇！
撰文：阿豪