問：每次北上去夜總會玩，都會送啲果盤或小食，而每間夜場嘅收費都唔同，平則數十，貴則上百一個果盤亦試過，而有啲夜總會則唔會將果盤收費，只係計入房間嘅消費中。我想問，既然呢啲果盤或小食，我唔需要嘅話，可唔可以喺入房前，同服務員或經理講明，叫佢唔使送入嚟呢？因為好多時候啲果盤同小食都係擺足全程，到走嗰刻都冇人郁過，如果可以話唔需要嘅話，既可免除不必要嘅使費，又可以避免浪費食物。
答：其實好多夜總會，都會將果盤同小食嘅費用，納入房間嘅消費中，以方便玩家計算消費。當然亦有一啲夜總會將佢扣除喺房間嘅消費中，目的就係可以提高玩家嘅消費，而呢種做法亦唔可以話佢有問題。可能呢啲嘢對玩家嚟講係冇用，並會造成浪費，但係如果想拒絕嘅話，卻係冇可能。事關對夜總會嚟講，呢啲下欄嘢係作為基本收入嘅一環，故此就算你話唔需要拎入嚟，佢都會喺帳單內計算。不過，有啲夜總會會對熟客提供優惠服務，免去玩家呢啲下欄錢，咁就要睇吓你同間夜總會熟唔熟，並記得要喺入房前，先同經理講清楚，免得埋單時拗數喇！
撰文：阿豪