問：小弟好鍾意約埋成班老友，去夜總會梳乎，然後就再成班人一齊返酒店曳曳。不過每次返酒店，都會遇到交通上嘅問題，就係一架的士載唔晒，要分成兩三架的士返酒店。可能喺其他玩家眼中，呢啲唔係乜嘢大問題，但係老友唔識講普通話，對當地嘅道路又唔係咁熟，故此想同一架車安全啲，又唔怕認唔到路返酒店。其實有冇乜嘢辦法，可以搵到一架大車，同一時間車晒我哋返酒店，唔使周圍撲車咁麻煩呢？
答：其實內地好多夜總會，都會自備汽車，接載玩家往返酒店，或接駁其他交通工具，而佢哋嘅接送汽車，一般都係以七人車為主，故此如果想接一班人返酒店嘅話，可以喺埋單時，同服務員講聲話需要接送汽車，咁就唔使出到去先至截車之餘，仲可以慳番筆交通費。話說回來，呢啲接送汽車一般都有距離限制，如果路程太遠，對方未必會提供接送服務。呢個時候不妨問服務員，有冇相熟嘅白牌車司機，等佢可以代為安排。不過呢啲白牌車，係需要收取車資，至於價錢方面，就要另外同司機商議。
撰文：阿豪