近期美國四仔界最多人談論嘅就係「人妻脫星」，即係做咗人哋老婆仲繼續剝衫賣肉，同時伴侶又深表支持，究竟現實有冇可能成立呢？脫星Thea Coleman就親身證實畀大家睇！
結婚係人生大事，當然值得開心，奈何脫星Thea Coleman就非常苦惱，事關阿妹同佢拍拖多年嘅男友想拉埋天窗，奈何女方想繼續脫星事業，雙方傾足一年都各不讓步，有消息仲話Thea Coleman隨時分手收場喎！雖然話外國人思想開放，但作為男人要睇住老婆同人搞，呢樣嘢就點都冇得忍，真係好難兩全其美。阿妹話：「我承認想嫁人，但同時我好享受喺四仔界工作，滿足被男女擁戴嘅虛榮感，假如婚後要我相夫教子，過啲無聊闊太生活，我暫時無法做到！」結婚係兩個人嘅事，不如計劃吓何年何月可以考慮引退，無謂要人哋白等吖！「我有同對方提出於五年內退出四仔界，可惜佢接受唔到，反而逼我喺事業同愛情二揀一！」
Thea Coleman感情冇彎轉，惟有寄情事業，但拖泥帶水嘅關係嚴重影響工作，床上發揮失準，身材又走樣，人氣大不如前，難怪近半年阿妹甚少推出新作，連鹹書寫真都少之又少。Thea Coleman話：「我每次拍床戲面對男優時總會想起男友，繼而出現陣陣自責感覺，大大影響發揮，我諗係時候需要冷靜一下，處理好感情關係至再衝刺，最壞打算係同現任男友分手，然後搵一個可接受我當脫星嘅男人結婚。」Thea Coleman相信呢個世界有男人會接受老婆當脫星，阿妹咁天真，真係祝你好運囉！
出生日期：1986年5月20日
三圍：32C、25、35
身高：5呎6吋
撰文：祖