唔少企業都會以高薪招攬人才，原來喺色情行業都有類似嘅情況，好似早前內地某個成人討論區出現咗一個另類筍工嘅告示，報稱係為各行各業嘅老闆擔任私人助理，包食包住之餘，而且月入可達萬元。或者大家會問：「邊有咁筍嘅工作？」老實講，好聽啲就叫私人助理，查實咪即係私家囡囡囉！
撰文：娟娟
聽見「筍工」呢兩個字，唔少人都會即時豎起耳仔，想聽吓點樣筍法？而呢次所講嘅另類筍工，只限女性，工作時間甚具彈性，只需處理一般瑣碎事務，除咗包食宿，每月更可獲得上萬元嘅薪水，更有機會到外地公幹，對於唔少內地打工仔嚟講，呢種待遇簡直係可遇不可求，甚至發夢都冇諗過。當然，受人錢財就需要替人消災，工作性質表面上係私人助理，其實即係私家性伴，事關仲要為老闆解決生理需要。
發布話題嘅人士表示，唔少老闆都好忙，日頭嘅工作已經好唔得閒，到咗夜晚又要去應酬，就算身痕想搵女陪玩，睇吓個鐘都可能已經係深夜時分，啲女都收晒工啦！有見及此，佢就同幾個夜場界朋友搞咗呢個囡囡網上介紹所，一方面尋找合適人選，同時亦為一眾好色老闆提供服務。
基本上，應徵者不但擔當私人助理角色，更可以係一個良好嘅性伴。不過，要成功獲得取錄都唔係咁容易。由於服務對象多數都係內地企業或外資公司嘅老闆或高級行政人員，為免溝通上出現問題，囡囡必須擁有良好嘅說話技巧，及三年工作經驗，仲要有樣貌、身材同高度，上圍至少要34C，並且擁有良好品格，但最重要係無論任何時間都可以為老闆提供一流性愛服務。
據講，此告示一出，即時引嚟唔少網民查詢，當中唔少人更係喺夜店工作嘅囡囡，有一名十九歲骨女於網上留言，認為呢份工作嘅待遇非常吸引，相比起喺骨場工作，簡直有極大吸引力，故感到有興趣。另一個桑拿技師就話希望搵番個好老闆關照吓，若然待遇優厚嘅話，就算打真軍、玩中出都唔成問題。不過，亦有網友質疑所謂「筍工」，其實只係不法之徒所設嘅色情騙局，利誘無知少女去賣淫或做其他不法活動。
美其名為「私人助理」，只不過好聽啲，查實即係私家菜。由於服務嘅對象通常都係非富則貴嘅人士，所以囡囡嘅質素絕對有番咁上下。據講，模特兒、大學生及禮儀小姐都係熱門之選，玩家透過中介人認識索女之後，便到指定地點見面，可能係普通飯局，亦有可能係直接到酒店開房，先試做一次，之後再決定會唔會包養。