東莞呢期掃黃真係唔講得笑，有骨場經理對我大軍表示，昨晚掃完一鑊，第二朝又嚟過，結果骨場決定連後門都閂埋，全面性停業。損失之巨可謂無法估計，但員工都要搵食，有部長經理就被安排去旗下酒店或食肆執頭執尾，而班囡囡就全部打包北上去上海北京等地搵食，經理誇口話囡囡人數足夠包機！「冇吹水，一間場閒閒哋兩三百條女，一時間點走，依家三線地區都話冚檔，惟有全部去上海搵食。」
而據消息指，上海當地雖然呢期有世博撐住，但都消化唔切，加上嗰邊夜遊業都非常成熟，突然一大批囡囡殺過嚟，只會拉低市價，難怪當地搵食嘅囡囡都拒絕姊妹搶灘。一位上海雞頭，向來做遊客生意，手頭上約有廿條女，假如每晚全部出動都已有萬元收入，依家決定發大嚟搞：「有利有弊啦！如果我唔要呢啲女，會畀同行搶晒，分薄我收入，相反收留佢哋，我手上嘅女多咗機會出動，保住市場佔有率！」照我大軍估計，颱風只係剛啱開始，相信仲有排打！
撰文：大軍