問：我一個星期有幾日都會北上公幹，但好少會到夜場梳乎。不過聽到班同事講，話桑拿好玩又快捷，於是就問同事介紹咗個場，然後一支公去玩。唔知係咪當日旺場，定係技師未返，睇咗三轉技師都唔啱心水。見到揀唔到心水，就諗住起身走人，點知望吓個經理，佢面口黑過玄壇，有啲擔心話走嘅話會畀人揼，後尾求其揀咗個技師入房就算。查實遇到咁嘅情況，我應該用乜嘢方法鬆人呢？
答：對於新手嚟講，呢啲情況又真係唔知點解決嘅。其實如果揀唔啱女嘅話，可以用一啲婉轉嘅方法，同經理講話揀唔啱。最常用嘅說話有「依家去食個飯先，轉頭至嚟開餐」、「畀張卡片我，等陣再Call你」、「睇多幾轉再嚟搵你」等，經理就知你睇唔啱，一般都唔會留難你，除非你去嗰間係黑店。對桑拿場嚟講，最重要就係口碑，就算佢今勻劏咗你，但搞到口碑冇咗，對佢嚟講亦唔係好事。不過話說回來，新手去玩最好都係有「色途老馬」帶路，個心始終定啲嘅！
撰文：阿豪