由於網絡發展令資訊流通速度驚人，所以只要一有具話題性嘅新聞，就會被人上傳上網，繼而被網友大事討論，較早前型到飛起嘅犀利哥、身材豐滿嘅芙蓉姐固然紅爆網絡，冇網友唔識啦！不過，同一時間亦有一位極之出位嘅人物，人氣可以拍得住佢哋！呢位就係樣靚身材正嘅楊洋喇！
楊洋之所以咁紅，其實都係因為較早時，佢居然着住波衫喺上海地鐵同鬧市當中大跳鋼管舞。除咗惹來大批市民圍觀，仲有人將佢跳舞嘅片段放上網，仲得到過百萬點擊紀錄添！經過人肉搜尋之後，佢嘅真正身份終於被人發現，得知佢真名叫做楊洋之外，仲知道佢係年薪百萬嘅公司老闆娘。如果大家想知道楊洋有幾突出，跳舞有幾勁，就要上內地一個叫做中國達人秀嘅Blog睇吓喇！
真係好Blog：http://blog.sina.com.cn/s/blog_67bacdc40100jdx7.html?tj=1
撰文：賢