幾時都話，出嚟玩要識得保護自己，尤其係喺內地的士高溝女嗰陣，無端端有女自動送上門，仲要肯同你打真軍嘅話，就更加要打醒十二分精神，除咗有機會墮入色情陷阱之外，更隨時染病都唔出奇，貪一時之快而中招就唔抵啦！
撰文：娟娟
去到內地的士高消遣，唔少港男都希望識番個異性朋友，最好就係可以有下文嗰種。資深蒲友阿豐（化名）亦好此道，不時相約朋友到深圳的士高玩。佢話：「喺內地嘅的士高玩，除咗貪佢消費夠便宜之外，梗係為咗搵食啦！據我所知，有啲場的確特別多女，走到舞池範圍，閒閒哋有二、三十個索女喺度跳舞，只要你夠膽行埋去，咁就好大機會識到女仔。有啲玩得比較斯文嘅，跳完舞再請佢飲番杯，慢慢溝通吓，自然會上釣；至於性格比較豪放嘅，通常唔需要開口，對方都會主動撩你。當然，同呢類女仔打友誼波嘅機會梗係大得多啦！」聽落似乎好過癮，之不過阿豐又話女仔主動送上門，有時未必係一件好事。
若然有女自動送上門，究竟存在乜嘢風險呢？阿豐解釋：「除非你可以百分之百確定條女好冧你，否則就有機會被騙，無論係金錢或感情，相信大家都唔希望發生喺自己身上。不過，我覺得最慘都係同個女仔上床之後中招。好似我身邊一位朋友咁，有次喺D場識到個索女，對方表現主動，不時大送秋波，直到凌晨時分，更表示唔想返屋企，於是朋友就打蛇隨棍上，提議一齊到酒店休息，當然唔只瞓覺咁簡單啦！入到房，嗰個女仔已經急不及待嚟一個濕吻，而且話咁快就剝光衫褲，正當朋友準備戴上安全套時，條女已經騎咗上去，仲話自己好耐冇性生活，打真軍先夠刺激。隔咗一段時間，朋友發覺重要部位有啲隱隱作痛，經診斷後，原來染上性病。」阿豐又話，部分內地蒲妹確實玩得好激，經常唔用套，中咗招都唔知，仲要成為播毒者，所以奉勸大家，日後有女主動要求打真軍嘅話，認真要諗過先呀！