若論床上經驗最豐富嘅話，相信風俗孃認第二，冇人夠膽認第一。日本新宿就有班風俗孃，佢哋利用經驗上嘅優勢，開班授徒教玩家玩車震，不但傳授當中嘅技巧，仲上埋車同玩家激戰，等佢哋學以致用添！
呢班風俗孃咁夠膽，開班傳授車震經驗，佢哋嘅來頭梗係唔細啦！原來佢哋唔單止樣靚身材正，更曾經紅透各大小風俗店，深受玩家歡迎之餘，講到床上經驗更係非一般風俗孃可比，難怪佢哋夠膽開班授徒。不過床上玩法多籮籮，點解佢哋要教玩車震呢？據負責人美島小姐解釋，唔少日本男士都係有車一族，而車震玩法亦相當過癮，加上日本居住環境侷促，點解唔好好地利用車廂，去到郊外享受車震嘅快感呢？
做得人哋導師，車震經驗自然要有番咁上下，據美島透露，佢哋班導師車震經驗，最少嘅都有三年，可謂經驗十足！此外，為咗可以提升教學水平，更花咗大量時間集合各人嘅經驗，將車震玩法劃分為私家車、輕型貨車、貨車等唔同嘅車種，等玩家可以因應需要報讀唔同嘅課程。課程更分為理論同實踐兩部分，前者包括車胎要喺乜嘢狀態、車廂溫度要幾多、座位要校到幾低等車震技巧，後者則係同玩家親授秘技。
大家睇到呢度，相信都知道親授秘技，先至係呢個課程嘅戲肉。導師呢個時候，會讓學員揸車去到偏僻嘅地方，然後會親自傳授各種挑情技巧，以至進入正題時應該採用邊種體位等，讓玩家可以喺實戰中，明白到實際嘅情況，順便可以同導師嚟個激情嘅親密接觸。不過，呢個有嘢學又有靚女導師陪「瞓」嘅課程，收費一啲都唔平，兩個鐘頭嘅課程，收費就要九萬日圓，折合約為七千五百港元，真係唔係人人都消費得起！
撰文：阿豪