春節過後深圳東莞一帶嘅夜場，囡囡返嚟上班嘅人數，都已經有七七八八，冇舊年同前年咁惡劣只得三四成返嚟，我哋問過好多囡囡，睇吓佢哋係咪冇窿路焗住要返嚟，佢哋異口同聲話窿路大把。但最後都決定返嚟做，究竟當中有乜嘢原因呢？
好似嚟咗東莞三年嘅小芬，佢話：「喺老家大把人叫佢去長三角做小姐，而且計過數，無論做三陪定係做骨女，收入都比喺東莞嘅多。」問佢大約多幾多左右？佢話差唔多四成，四成確係唔少嘅數目，點解佢哋又唔去長三角發展呢？佢話：「去長三角打工，搵錢係多咗，但消費太高，喺東莞租間房唔使五百，但喺上海，最平都要過千，衣食住行，樣樣都貴，搵埋都唔夠自己使。」
除咗生活費高之外，小芳仲話：「當地嘅客人畀得起錢，要求就會愈多。」佢話深莞兩地港客較多，佢哋使錢比較有風度，囡囡就算做錯乜嘢，最多係投訴，唔會罵人打人，但喺外地客人動不動就打人，唔當小姐係人，所以情願賺少啲都返嚟東莞。
除咗長三角之外，家陣內地好多城巿都有夜場，呢啲夜場亦一樣需要吸納大量囡囡，好似嚟咗深圳四年嘅阿紅就話：「我一返到鄉下，就有好多老鄉叫我出城做，收入一樣比東莞嘅多。」問佢可以多幾多收入？佢話：「多兩三成都有。」
喺內地嘅大城巿生活絕對冇長三角咁貴，可以話仲要比深圳嘅平，阿紅點解又唔留喺當地呢？阿紅話：「冇錯係賺錢多咗，但上面嘅夜場唔似東莞咁有制度管理，啲數目經常亂嚟，另外，佢哋唔興保護囡囡，萬一你得罪咗黑白兩道，全部你死你賤，而且喺老家萬一出事，一定會傳到返去家鄉，到時街知巷聞，以後仲邊有面目返去，所以都係南下好啲。」大家明白晒啦！
撰文：小德