日本人嘅生意頭腦靈活有時真係冇講錯，就好似啱啱閉幕冇耐嘅「冬運會」，有好多賽事都觸動到觀眾嘅目光，特別係冬運強國之一嘅日本，為咗食住呢個潮流，當地AV公司就趕拍咗多套有關「冬運會」嘅三級片應市。
據了解開拍「冬運會」為題材嘅AV片商，大約有五間咁多，其中一間就以冰壺為賣點，已經喺上個月拍好推出，另外收到風有片商會以花式溜冰同埋速滑為題材，至於另外兩間公司，暫時未知道拍乜？
而第一套趕住出街嘅作品，就叫做《人間冰球》，號稱史上第一套冰球AV電影，女主角由四位AV女優擔綱演出，四位都係啲冇乜名氣嘅三線女優，可能同成本有限，而且趕住出街有關，據講呢套作品，由構思到面世，唔夠三個星期就搞掂。
呢部《冰球》作品，搵女優嚟當冰壺，畀人推嚟推去，你都咪話唔辛苦，圈中一線阿姐，肯定冇人睬你。喺度先補充吓點打冰壺，比賽雙方，各自推一個石壺，擊走指定圈內對方嘅石壺，最後誰的石壺喺圈內就可以得分，家陣唔推石壺，而係四個女仔輪流畀人當石壺推出去，光身磨地，都幾攞命o架！不過勝在搞笑，觀眾睇得好過癮。據講呢套作品一推出就十分火爆，替之後幾套「冬運會」作品打咗強心針，只要保持輕鬆幽默，加強色情養眼，觀眾就會繼續支持落去。
撰文：小德