廣西柳州有間休閒中心，認真夠噱頭，最近竟然推出一項「石女銷魂」嘅服務，據講推出之後，大受客人歡迎，但咁明目張膽話有「石女」玩，唔怕畀有關方面拉人兼封舖咩？睇嚟當中一定有啲蠱惑嘢，今日就同大家追訪一下！]
撰文：小德
呢間位於廣西柳州嘅休閒中心，按摩時候正骨邪骨兼備，所以客路甚廣，深得當地人歡迎，但花無百日紅，競爭多咗，生意自然下滑，好彩老總有諗頭，決定加開一種新嘅按摩服務，並改個夠晒噱頭嘅名，馬上搶番晒啲客人返嚟。
服務嘅名就叫做「石女銷魂」，聽個名就認真麻麻，「石女」就係天生處女膜過厚嘅囡囡，佢哋無法進行性行為，一聽就覺得唔「老利」，但老總話改名就係要改得衰衰地，客人至會記得，而呢個服務其實坊間一早就用緊，例如一啲美容院，就經常有得玩，外面叫佢做「熱石按摩」。玩法就係將一啲石春，放入焗爐焗一陣，然後隔住毛巾放喺客人背上嘅穴位，令客人行氣活血。
老總其實早就想加開呢項服務，可惜早前生意好，所以老闆唔想增加設備，後嚟巿道唔好，要諗計救巿，老總於是再攞個方案出嚟，但如果呢個服務就咁叫熱石按摩，一定冇人幫襯，所以就要諗個鬼馬嘅名，起初公司都反對，但老總一意孤行，當宣傳一展開，呢個名果然一鳴驚人，不知吸引幾多人嚟幫襯。客人覺得「石女」係唔好聽，但代表有難度，讓客人有挑戰難度嘅心理。
而且嚟食「全餐」朋友，仲可以免費包埋呢項服務添，認真吸引。仲有老友報告，享受完終極服務之後，再歎呢個「石女銷魂」，真係可以馬上消除疲勞，行氣活血，成身暖晒，即刻再嚟多次都冇問題，可惜廣西咁遠，你話深圳都有就幾好呢？