Chastity Lynn 天真性虐

一直被喻為歐美四仔「天真妹」嘅脫星Chastity Lynn，入行以嚟憑其「傻大姐」型象穩佔脫星一席位，而Chastity Lynn入行已有五年光境，老實講，起初扮天真無知，麻甩佬肯定充滿性幻想，之不過阿妹家陣仲老過唔少支持者，再以呢個形象撐落去，應該係白癡而非無知囉！

而其實阿妹都有做過嘢，事實佢外貌一般貨色，且堅拒整容或隆胸，惟有喺形象求變，喺08年開始，Chastity Lynn漸漸就改戲路，加入唔少床上愉虐元素，當然係被虐嗰個啦！好可惜，呢個轉變觀眾一啲都唔接受，仲好反感添！有網友用四個字總括阿妹表現——「不倫不類」，更留言話：「即使係忠實影迷，都好難理解Chastity Lynn喺戲內想表達甚麼；當事人唔性感，唔變態，似兒童鬧劇多過情慾戲，只有一個怪字！」講得無錯，近期阿妹嘅作品愈玩愈怪，再咁落去，睇嚟最啱拍啲四仔Cult片囉！

Sarah James 大隻癡女

齋睇Sarah James 嘅身形都知佢唔係好恰啦！的確，來自匈牙利嘅脫星Sarah James ，據講未入行前志願做警察，因此自細操得好弗，難怪個樣零舍「兇」啦。好可惜阿妹最後無當差，反而走去美國跳舞搵食，及後被發掘成比堅尼女郎，最後梗係剝衫上床搵真銀啦！

Sarah James一開始就走癡女路線，簡直入型入格，非常討好，可惜條路行得順原來都未必係好事，至少受唔到挫折，好似Sarah James咁，喺08年攞過最佳海外性愛場面獎後，並無為佢帶嚟名利雙收，阿妹耿耿於懷，一沉不起，消失半年再度「復出」！

Sarah James表示休息期間發現女同市場大有作為，要趁後生做啲成績出嚟，結果就「磨」咗阿妹年半時間，中途未曾同男優交過手，好可惜，成績表一出，阿妹「磨」到渣都冇，大小頒獎禮無佢份，外界仲插Sarah James不知所謂：「做癡女同男優『互片』好哋哋，忽然變身床上教練培訓新人，感覺好似變咗男人咁，邊有正常麻甩佬會鍾意睇同類至得架！」

Shyla Stylez 街坊索女？

話以上兩位陰功，都唔及脫星Shyla Stylez慘！事關阿妹入行時經已簽約大廠，由於當時公司正值轉型，開設子公司開拍「處境四仔」，阿妹更有機會成為一組，定期開拍坊間熱門話題，雖然片酬較少，但山大斬埋有柴，年終都幾襟計架！

翻查資料，喺最近三年內，Shyla Stylez拍超過八十部處境四仔，例如性感女的士司機挑逗癡漢、扮大波女警制服色魔、甚至淫亂抹車妹以及啦啦隊跳上床等經典角色深入民心，阿妹亦成為處境脫星最佳演員，弊在阿妹討厭呢種角色，認為醜化佢嘅優點喎！因此09年開始，Shyla Stylez不斷減產，反以「索女」形象登場，但經過多年相處，外界點可以接受阿妹搔首弄姿嘅媚態呢！家吓Shyla Stylez唔鹹唔淡，睇嚟想翻身都好難囉！

Chastity Lynn Profile：

出生日期：1984年3月15日

三圍：34B-23-34

身高：5呎7吋

Sarah James Profile：

出生日期：1984年1月15日

三圍：35B-25-39

身高：5呎6吋

Shyla Stylez Profile：

出生日期：1982年9月23日

三圍：36DD-23-32

身高：5呎3吋

撰文：祖