其實，芝麻浸酒係中國民間傳統嘅「補腎去濕藥酒」，的確有一定作用，甚至可以利肝。如果要更加強腎，加一啲核桃，但千萬別去衣，事關核桃衣具有極強嘅固精作用，又或再加一啲杞子，效果更好。

至於浸法方法，大致係用黑芝麻半斤到十両、核桃半斤至十両、杞子四至六両。只此三味，浸以白酒二千五百毫升，約三個星期後即可飲用，但只宜飲一小杯，約十毫升。若然係年紀較大而腎虧，行路時雙足痠軟兼痛，亦可改用芝麻、薏米、生地三者浸酒小飲。

芝麻雖然有用，但必須注意兩個要點，其一係一定要用黑芝麻，其二係一定要炒香，事關經過此過程之後先可以令其發揮藥效。事實上，早有學者指出，芝麻必須喺加熱至高溫（差不多華氏二百度）近焦，其抗氧化作用，先能夠發揮盡致，更能減少膽固醇架！

撰文：陽起子