好多人都以為中國人過新年同曼谷夜場無關，但係大家要知道當地有唔少華人，而且亦有好多華籍顧客去玩，所以呢個新年對於當地夜場同客人嚟講都好重要，正月初刮王去曼谷夜場玩，見到唔少小姐都着上全紅色服飾，置身現場就好似係過新年。
客人派利是
夜場話呢段期間，小姐嘅服飾會維持到正月十五，即係今日元宵佳節，而且喺今日更會有大型嘅花燈活動。對於部分祖籍係中國嘅小姐嚟講，呢種活動就當然係唔會陌生，而對於部分當地人嚟講就唔係咁明白，最起碼嘅佢哋唔明白紅色點解係會代表吉利，因為泰國人並無呢種傳統，而對於當地小姐嚟講，呢個中國人嘅節日，最重要嘅係當佢哋遇上華籍客人嘅時候，就可以有利是收，雖然入面可能都係一百銖，即係約二十蚊港紙，但係對於佢哋嚟講又有乜所謂，最重要係可以有錢收。
有月事禁出場
仲有更特別嘅係唔少迷信嘅客人，都希望喺新年可以「打響頭炮」，期望新一年可以好似爆竹一聲除舊歲咁帶來好運，而夜場方面亦知道呢段日子對於好多華人嚟講係好重要，所以亦唔畀部分月事接近嘅小姐出場，以免一個唔覺意見紅，令到客人不滿就難搞。
撰文：刮王