27/02/2010

播放本新聞相關短片

北上全面體:美女陪打波愈篤愈起勁

本文重點
好多運動都要有對手先好玩,例如網球、羽毛球等,一個人玩真係悶到連球拍都想飛埋,而男人最鍾意嘅桌球亦都係一樣,一定要搵個伴先篤得過癮,如果大家身處內地的話,篤波就一定唔怕孤單喇!因為唔少桌球室都有陪打小姐提供!

唔怕冇腳

早兩年,台南曾經出現過一段令男士興奮不已嘅消息,就係當地有間桌球室推出令人熱血沸騰嘅噱頭,搵來一班妙齡女郎換上護士制服陪客人篤波,令呢項原本已經多男人參與嘅運動,更加多男士踴躍參加。

近年由於內地有唔少桌球手如神童丁俊暉喺世界桌球壇屢創佳績,令呢項運動愈來愈受歡迎,桌球室愈開愈多,競爭自然更大,為咗吸引更多人嚟篤波,桌球室老闆各出奇謀,除咗以優惠價吸客之外,最好就梗係有噱頭,唔少桌球室都聘請陪打小姐招呼客人,一來有美女供肉眼欣賞,二來一個人去篤波都唔怕冇腳,令好多單身男士湧去呢類有陪打小姐嘅桌球室幫襯喇!

低胸誘惑

內地嘅桌球室一般收費約十五至二十蚊人仔一粒鐘,相對於香港動輒都要六十蚊真係平好多,至於陪打小姐嘅收費,以重慶部分桌球室為例,就收十幾至二十幾人仔左右,加埋波鐘依然平過香港。有美女陪篤波,篤都篤得特別起勁,而起勁嘅除咗手中嘅球桿之外,褲襠入面嗰支亦唔例外,事關陪打小姐一般都會以低胸裝上陣,一伏低篤波嘅時候,好容易春光乍洩,實在叫人興奮,而呢個亦係陪打小姐嘅目的。

陪打小姐除咗要陪客,仲會幫公司推銷球桿,以性感低胸裝上陣搞到客人心情大好,再落嘴頭推銷自然事半功倍。另一方面,部分陪打小姐亦兼營副業,眼見客人睇波睇到雙眼發光,就暗示可以陪客出街,甚至直接轉戰酒店房,當然,遇唔遇到呢類陪打小姐就要睇彩頭,仲要睇自己捨唔捨得使錢啦!

撰文:賢