照顧單身漢

有調查話，香港嘅人口老化問題愈來愈嚴重，除此之外，獨居長者嘅問題亦唔少，其實獨居長者喺內地同樣受關注，事關好多後生一輩都要穿州過省返工，留低老一輩在家，如果老伴尚在都仲好啲，若然老伴離開咗就一定悶到發慌。而唔少孝順仔為咗令老父冇咁寂寞，會出錢請個陪護照顧老父，有時亦會只請陪聊女陪老父傾偈，好等佢精神上有寄託。然而，陪聊女其實有明令禁止，所以好多都係由地下公司做中介人，亦將陪聊改稱為「精神陪護」或者係「情感陪護」，當中更加有唔少地下公司表示「精神陪護」只係專門畀單身男人幫襯，仲話陪聊女上門之後，發生任何事公司本身都管唔到，亦唔負責，好明顯就係話畀人聽同色情有關啦！

勢將興旺

精神陪護服務除咗可以透過護理服務中介公司搵到之外，連一般伴遊服務公司都有提供，而所謂精神陪護都係陪單身男人食飯飲酒，最後上酒店開房，同一般嘅色情女伴遊冇分別！

以鄭州一間提供類似服務嘅公司嚟計，收費同其他伴遊一樣係朝早時段每小時二十蚊人仔，晚上則要收每小時三十蚊，至於私底下要同精神陪護員有交易就另計！另外，有消息表示上海市一個心理輔導業協會將會承認三個新職業，當中包括註冊婚姻輔導師、註冊心理陪護師同註冊員工援助師。當中，心理陪護師嘅工作就係用心理學角度去陪伴老人家、病人同其他心理有問題人士，主要都係透過傾偈作溝通，提供心靈護理。呢個消息一出，好多人都話有助陪聊行業由地下走上地面，陪聊女自此可以魚目混珠，打正旗號做「精神陪護」順便做埋「身體護理」，勢必興旺起嚟！

撰文：賢